նախընտրելի դարձնելԱրաբական Միացյալ Էմիրություններում ուրբաթ օրվանից պահպանվող ուժեղ մառախուղը կրկին Դուբայում թռիչքների հետաձգման եւ չեղարկման պատճառ է դարձել, հաղորդում է «ՌԻԱ Նովոստի»-ն:
Օդերեւութաբանության ազգային կենտրոնի տվյալներով՝ մառախուղը կպահպանվի եւս մի քանի օր՝ մինչեւ դեկտեմբերի 29-ը ներառյալ:
Dubaiairports.ae կայքի համաձայն՝ դեկտեմբերի 26-ի առավոտից բազմաթիվ չվերթներ են հետաձգվել եւ չեղարկվել, այդ թվում` Եվրոպայից: The Flightradar24.com կայքը հայտնում է նաեւ տարբեր ավիաընկերությունների չվերթների հետաձգման եւ չեղարկման մասին:
Այսպիսով, միայն օրվա առաջին կեսին Դուբայում 150 չվերթ է հետաձգվել, 11 չվերթ չեղարկվել է: Ուղեւորներին խորհուրդ է տրվում նախօրոք ստուգել թռիչքի կարգավիճակը ավիաընկերության կայքի կամ հեռախոսի միջոցով:
