նախընտրելի դարձնելՌուսական Ս-400 «Տրիումֆ» զենիթահրթիռային համակարգը զենքի մի տեսակ է, որը փոխում է «խաղի կանոնները», գրում է National Interest-ը:
Պարբերականը նշում է, որ Ս-400-ը գերազանցում է արեւմտյան նմանօրինակ զենքերը մի քանի պարամետրերով: Նախ, ռուսական տարբերակը կարող է միանգամից արձակել տարբեր հեռավորությունների զենիթային կառավարվող հրթիռներ: Մասնավորապես, NI- ն են կոչվում չորս այնպիսի հրթիռներ, որոնց թռիչքի հեռավորությունը կազմում է համապատասխանաբար 40, 120, 250 եւ 400 կիլոմետրեր: Ամերիկյան «Պատրիոտ»-ը, ինչպես գրում է պարբերականը, կարող է հրթիռներ արձակել միայն 96 կիլոմետր հեռավորության վրա:
Ապա, National Interest-ը ընդգծում է զենիթային հրթիռներից մեկի (խոսքը 9M96E2-ի մասին է՝ 120 կիլոմետրեր թռիչքի հեռավորությամբ) հիանալի բնութագրիչները: Պարբերականը նշում է, որ այս հրթիռը ոչ միայն վայրկյանում հինգ կիլոմետր արագությամբ թռիչքներ է կատարում, այլ նաեւ ի վիճակի է կրակել մինչեւ հինգ մետր բարձրության վրա գտնվող թիրախները:
Ռազմական առաջատար փորձագետներից Կարլո Քոփը նշում է, որ Ս-400-ները կարող են հագեցած լինել հատուկ ռադարներով, որոնք նախատեսված են ժամանակակից քիչ նկատելի թռչող սարքերի ոչնչացման համար, ինչպիսիք են՝ F-22-ն ու F-35-ն:
Միեւնույն ժամանակ, պարբերականը շեշտում է, որ Ս-400-ի զարգացումը հնարավորություն է տալիս Ռուսաստանին Միացյալ Նահանգների եւ ՆԱՏՕ-ի երկրների համեմատ ունենալ համեմատաբար ոչ մեծ կործանիչների ավիապարկ:
