նախընտրելի դարձնելԲրիտանացուն, ով ողջ է մնացել բարձրավոլտ էլեկտրահաղորդման գծի հետ շփումից հետո, էներգետիկ ընկերությունը «ապրող արարածների մեջ երջանկագույնն է անվանել», հայտնում է Sky News-ը:
Electricity North West ընկերությունը պատահարը մանրամասն նկարագրել է իր կայքում:
Emma փոթորիկը ծառերից մեկը տապալել է էլեկտրահաղորդման գծերի վրա: Ընկերության օպերատորը հեռախոսային զանգ է ստացել Մանչեսթերից ոչ հեռու գտնվող Մենթրամա քաղաքի մի բնակչից: Նա ցանկացել է օգնել էներգիայի մատակարարման վերականգնմանը եւ որոշել է ծառն անձամբ հեռացնել: Նա օպերատորին է զանգահարել, քանի որ թեթեւակի «ծակոց» է զգացել:
A walker in Hyde has cheated death after attempting to remove a fallen tree branch from a live 11,000 volt overhead power line. The man reported a "tingle" but is unharmed.@ElectricityNW called him the luckiest man alive & warned that electricity can travel thru branches & kill. pic.twitter.com/PWbDTOfzLk
— Cumbria Journo (@EllisButcher) 3 марта 2018 г.
ENW-ի արտակարգ իրավիճակների հարցերով մասնագետ Քրիս Ֆոքսն ասում է, որ կամավոր, սակայն չմասնագիտացած օգնականի բախտն ահավատալիորեն բերել է. գիծը 11 հազար վոլտ լարում ուներ: Ընկերությունն այն անմիջապես անջատել է: «Զարմանալի է, որ նա չի մահացել»,- մեկնաբանում է Ֆոքսը:
Նրա գնահատմամբ՝ տղամարդուն, ում անունը չի հրապարակվում, թույլ է տվել ողջ մնալ հանգամանքների մի ամբողջ հանրագումար՝ նրա հագուստը, ձեռնոցները, կոշիկները, ինչպես նաեւ այն փաստը, որ լարերից կախված ծառի ճյուղերը, ըստ երեւույթին, բացարձակապես չոր էին:
ENW-ն քամու եւ ծառերի տապալման հետեւանքով հաղորդալարերի կտրվելը համարում է եղանակային վատ պայմանների ժամանակ բլեքաութների (էներգահամակարգում վթարների) ամենատարածված պատճառը:
