նախընտրելի դարձնելԵՄ-ն մտահոգված է Թուրքիայի նախագահ Ռեջեփ Թայիփ Էրդողանի՝ օրենքի գերակայության հանձնառությամբ եւ Սիրիայում եւ Արեւելյան Միջերկրածովյան երկրներում գործողություններով: Այնուամենայնիվ, ԵՄ-ն կշարունակի աջակցել սիրիացի փախստականներին, հաղորդում է Reuters-ը:
«Մեր այսօրվա հանդիպումը ցույց տվեց, որ չնայած մեր հարաբերությունները դժվար ժամանակներ են ապրում, սակայն այն ոլորտներում, որտեղ մենք համագործակցում ենք, մենք լավ ենք աշխատում», - Վառնայում ԵՄ-Թուրքիա գագաթաժողովից հետո լրագրողներին հայտարարել է Եվրախորհրդի նախագահ Դոնալդ Տուսկը: «Մենք վերահաստատում ենք մեր պատրաստակամությունը՝ շարունակելու երկխոսությունը եւ միասին աշխատելու, որպեսզի հանուն մեր գործընկերության ներուժի հաղթահարենք առկա դժվարությունները»:
Էրդողանն ասել է, որ մեծ սխալ կլիներ Եվրամիության ընդլայնման գործընթացից Թուրքիային հանելը: Նա հույս է հայտնել, որ Անկարայի եւ ԵՄ-ի հարաբերություններում դժվարություններն անցյալում են:
