Մայիսի 6-ին, ժամը 8.05-ին, ոստիկանության Երեւան քաղաքի վարչության օպերատիվ կառավարման կենտրոն է զանգահարել 1980 թ. ծնված Նելլի Մ.-ն եւ հայտնել, որ իր բնակարանից գողացել են ոսկեղենը:

Ոստիկանության Նոր Նորքի բաժնի ծառայողները իրացնելով օպերատիվ տվյալները, նույն օրը, ժամը 18.30-ին, Սեբաստիայի փողոցի թիվ 30/Ա շենքի մոտից, գողություն կատարելու կասկածանքով, բերման են ենթարկել 1994 թ. ծնված Մանուկ Դ.-ին:

Պարզվել է, որ նա ապրիլին Նելլի Մ.-ի 15-ամյա դստեր պայուսակից նախապես գողանալով բնակարանի բանալին, բացել է բնակարանի մուտքի դուռը եւ ննջասենյակից գողացել ոսկյա զարդեր՝ պատճառելով 4.000.000 դրամի վնաս:

Ձեռնարկվում են միջոցառումներ գողոնը հայտնաբերելու ուղղությամբ:

Մանուկ Դ.-ն ձերբակալված է:

Կատարվում է քննություն: