Թուրքիայում Մեծ Բրիտանիայի հպատակ է զոհվել՝ Դալամանի օդանավակայանում օդանավից ընկնելով թռիչքուղու վրա: Այս մասին հայտնում է The Telegraph-ը՝ վկայակոչելով բրիտանական ԱԳՆ-ի ներկայացուցչին:

Պարբերականի տեղեկություններով՝ միջադեպը տեղի է ունեցել երեքշաբթի՝ մայիսի 29-ին, տեղական ժամանակով մոտ 03:00-ին:

Նշվում է, որ օդանավի անձնակազմը որոշել է ուղեւորին չվերթից հանել՝ ուղեկցորդի հետ վեճ հրահրելու պատճառով:

Տղամարդուն ուղեկցել են ելքի մոտ, որտեղ նա սրահից վայր է ընկել:

Տեղական լրատվամիջոցների տեղեկություններով՝ 30-ամյա ուղեւորը ստացած վնասվածքներից մահացել է հիվանդանոցում: