Նախընտրելի
Facebook Inc ընկերությունը հաստատել է օգտատերերի տվյալների վերաբերյալ էլեկտրոնիկա արտադրող չինական առնվազն 4 ընկերությունների, այդ թվում Huawei Technologies Co.-ի հետ գործընկերության մասին պայմանագրերի առկայությունը, հաղորդում է «Ինտերֆաքսը»:
Մյուս ընկերություններն են Lenovo-ն, OPPO-ն եւ TCL of China-ն:
«ԱՄՆ-ի բազմաթիվ այլ տեխնոլոգիական ընկերությունների հետ միասին, Facebook-ը աշխատել է նրանց եւ չինական այլ արտադրողների հետ, այդ հեռախոսներում ծառայությունները ինտեգրելու համար», - ասել է Facebook- ի բջջային սարքերի արտադրողների հետ գործընկերային հարաբերությունների հարցերով փոխնախագահ Ֆրանսիսկո Վարելա:
Նա ընդգծել է, որ ամենասկզբից Facebook-ում ինտեգրման ընթացքը վերահսկվել է եւ սոցցանցը հաստատել է բոլոր տարրերը:
«Կոնգրեսի հետաքրքրվածությունը հաշվի առնելով, ուզում ենք հստակեցնել, որ Huawei-ի հետ նման ինտեգրացման արդյունքում ողջ տեղեկատվությունը պահպանվել է սարքում, այլ ոչ թե Huawei-ի սերվերներում», - գրել է նա:
Ավելի վաղ The New York Times-ը հաղորդել էր, որ 2007 թվականից Facebook-ը օգտատերերի եւ նրանց ընկերների անհատական տվյալներին հասանելիություն ունենալու մասին համաձայնագրեր է կնքել առնվազն 60 ընկերությունների հետ, որոնք արտադրում են սմարթֆոններ եւ այլ բջջային սարքեր: Facebook-ը չի հերքել նման հարաբերությունների գոյությունը, սակայն պնդել է, որ բոլոր նման համաձայնագրերը համապատասխանում են ընկերության կանոններին եւ իշխանությունների պահանջներին:
