նախընտրելի դարձնել
Սեուլի հանրային զուգարաններում ամենօրյա ստուգումներ կսկսեն թաքնված տեսախցիկների որոնման նպատակով: Նման տեսախցիկներից տեսանյութերը հաճախ համացանցում են հայտնվում: Կորեացի կանայք արդեն սովորություն են դարձրել ստուգել՝ արդյոք նրանց թաքնված տեսախցիկի միջոցով չեն հետեւում, հաղորդում է BBC-ն:
Սեուլում, ընդհանուր առմամբ, ավելի քան 20 հազար հանրային զուգարան կա: Մինչեւ հիմա թաքնված տեսախցիկների առկայության ստուգումները կատարվել են ամսական մեկ անգամ:
Դրա համար պատասխանատվություն է կրում 50 աշխատակից, ովքեր վերջին երկու տարիների ընթացքում չեն կարողացել ոչ մի տեսախցիկ գտնել:
Կառանձնացվի նաեւ շուրջ հազար զուգարան, որտեղ թաքնված նկարահանումները հաճախ են իրականացվել: Դրանց հատուկ ուշադրություն է դարձվելու:
Անցյալ տարվա տվյալների համաձայն, Հարավային Կորեայում գրանցվել է թաքնված սարքերի օգտագործման ավելի քան 6000 դեպք: Այդ տեսախցիկներից տեսանյութերը հետագայում տեղադրվել են պոռնո կայքերում:
