Երեկ ՀՀ գլխավոր դատախազ Աղվան Հովսեփյանը «Առավոտի» հարցին, թե «Հետք» էլեկտրոնային թերթից ուղարկված ձայնագրությունը` կապված ԱԺ պատգամավոր Ռուբեն Հայրապետյանի` լրագրողին հայհոյելու հետ, ստացվե՞լ է արդյոք եւ ի՞նչ է ձեռնարկվել այդ կապակցությամբ, հայտնել է, որ ստացված հաղորդումը փոխանցվել է ՀՀ հատուկ քննչական ծառայությանը: «Առավոտի» այն հարցին, թե անցյալ տարվա ընթացքում եղե՞լ են հաղորդումներ` ԱԺ պատգամավորների գործունեության հետ կապված, ՀՔԾ պետ Անդրանիկ Միրզոյանն իր հերթին պատասխանել է, որ  նման որ որեւէ հաղորդում չի ստացվել: