նախընտրելի դարձնելՀոկտեմբերի 8-ին Ստրասբուրգում սկսվել է Եվրոպայի խորհրդի խորհրդարանական վեհաժողովի (ԵԽԽՎ) աշնանային նստաշրջանը:
Նստաշրջանի ընթացքում կհայտարարվի Մարդու իրավունքների ոլորտում ձեռքբերման համար Վացլավ Հավելի մրցանակի հաղթողը:
ԵԽԽՎ-ն բանավեճ կանցկացնի Եվրոպայում իսլամի ֆինանսավորման եւ միգրանտների եւ սփյուռքների համայնքների արմատականացման վերաբերյալ:
Օրակարգի մյուս կետերը ներառում են իսրայելական արդարադատության համակարգում պաղեստինցի անչափահասների հետ վերաբերմունքը, գենդերային տեսանկյունից միգրացիայի հարցը, անդամ պետություններում ընտանիքի վերամիավորման հարցը եւ անձնական կյանքում հավասարությունն անկախ սեքսուալ կողմնորոշումից:
Քննարկվելու է նաեւ միջուկային անվտանգությունն ու անվտանգությունը Եվրոպայում, ինչպես նաեւ Լեհաստանի նախագահի օդանավի վթարը:
Վերջապես, կքննարկվի ազգային խորհրդարանների դերը ապակենտրոնացման հաջող գործընթացում, հայտարարությամբ հանդես կգա Եվրոպայի խորհրդի Տեղական եւ տարածքային իշխանությունների կոնգրեսի նախագահը:
Նիստի ընթացքում ելույթ կունենա Թունիսի արտաքին գործերի նախարարը, իսկ ԵԽ նախարարների կոմիտեի նախագահը, Խորվաթիայի փոխվարչապետը եւ արտաքին գործերի նախարարը հանձնաժողովի գործունեության մասին զեկույց կներկայացնի: Կազմակերպության գլխավոր քարտուղարը նաեւ պատասխանելու է Վեհաժողովի անդամների հարցերին:
