նախընտրելի դարձնել
ԱՄՆ նախագահ Դոնալդ Թրամփը Fox News-ին տված հարցազրույցում ասել է, որ Ամանորը նշելու է Սպիտակ տանը:
Նրա խոսքով, այս որոշումն ընդունվել է կառավարության աշխատանքի վերսկսմանը պատրաստ լինելու համար, որը դադարեցվել էր բյուջեի վերաբերյալ Կոնգրեսում դեմոկրատների հետ համաձայնության բացակայության պատճառով:
«Նրանք (դեմոկրատները) կարող են այժմ գալ Սպիտակ տան: Ես որոշել էի Սուրբ Ծնունդը անցկացնել Սպիտակ տանը, Սպիտակ տանը տոնելու եմ Ամանորը», - հեռուստաալիքին տված հարցազրույցում ասել է Թրամփը:
Նախատոնական օրը՝ առավոտյան, Թրամփը օվալաձեւ աշխատասենյակից դեմոկրատներին կոչ էր արել դուրս գալ արձակուրդից եւ քվեարկել բյուջեի համար, ինչի դեպքում դաշնային գերատեսչությունների մոտ մեկ քառորդի աշխատանքը կվերականգնվեր, գրում է «ՌԻԱ Նովոստին»:
