Երկրի պատիվը վտանգված է եւ Նիկոլ Փաշինյանի հայտարարած մոտեցման կիրառումն անընդունելի է: Հունվարի 30-ին լրագրողների հետ հանդիպման ժամանակ այս մասին ասաց  «Ունիսոն» հասարակական կազմակերպության նախագահ Արմեն Ալավերդյանը:

Նրա խոսքով՝ հաշմանդամների «Փարոս» կամերային երգչախումբը Փարիզում համերգով հանդես գալու հրավեր է ստացել եւ նրանց գումարը չի բավականցնում տոմս գնելու համար:

«Այն մոտեցումը, որ ստեղծագործական խմբերը պետք է ինքնուրույն դահլիճներ հավաքեն եւ գումարի հարցն իրենք լուծեն, անթույլատրելի է: Կա պետություն, կա Աննա Հակոբյանի հիմնադրամ, կա  Նիկոլ Փաշինյան, կա Մշակույթի նախարարություն, մենք այնտեղ պետություն ենք ներկայացնում, ոչ թե որպես զբոսաշրջիկ ենք մեկնում», - ասաց նա:

Արմեն Ալավերդյանն ընդգծեց, որ Ֆրանսիան իր վրա  է վերցնում Փարիզում բնակության հետ կապված բոլոր ծախսերը:

«Մնում է, որ մեր պետությունը յուրաքանչյուր մասնակցի համար 415 եվրո հատկացնի, ինչը ընդհանուր կազմում էմոտ 10 մլն դրամ», - ասաց նա: