Բանգլադեշը ֆիլիպինական բանկի դեմ հայց է ներկայացրել Նյու Յորքի դատարան` աշխարհի խոշորագույն կիբեր կողոպուտներից մեկին նրա ներգրավվածության կապակցությամբ: Այս մասին հայտարարել է երկրի կենտրոնական բանկի նախագահը, հայտնում է AFP- ն:

2016 թվականի փետրվարին անհայտ հաքերները ԱՄՆ-ի դաշնային պահուստում Բանգլադեշի ԿԲ հաշվից 81 մլն դոլար էին գողացել:

Այնուհետ փողերը փոխանցվել էին Մանիլայում Rizal Commercial Banking Corp (RCBC) մասնաճյուղ, հանվել եւ լվացվել էին տեղական խաղատների միջոցով:

Բանգլադեշի ԿԲ կառավարիչ Ֆազլ Կաբիրի խոսքով՝  RCBC-ի կողոպուտի մեջ ներգրավված «մնացածի» նկատմամբ գործ է հարուցվելու:

Բանգլադեշը իրավաբանական խումբ է ուղարկել Նյու Յորք եւ պատրաստ  է պայքարել փողերի վերադարձի համար, հայտնել է Կաբիրը:

2016 թվալկանին Ֆիլիպինները RCBC-ին 21 մլն դոլարի չափով տուգանել էին կիբեր կողոպուտում նրա դերի վերաբերյալ հետաքննությունից հետո:

Բանկը հերքել էր մեղադրանքները եւ 2017-ին Բանգլադեշի ԿԲ-ին մեղադրել «զանգվածային թաքուցման» մեջ: