Տեխասի 36-ամյա բնակիչ Ռուդոլֆո Արելլանոն ցմահ ազատազրկվել է, երբ խոստովանել է, որ խեղդել է իր կնոջը՝ նախապես կապելով նրա վզին 119 ֆունտ կշռող քար, հաղորդում է Associated Press-ը:

Արելլանոն մեղավոր է ճանաչվել ծանր հանցագործություն կատարելու մեջ եւ ցմահ ազատազրկվել առանց բողոքարկման իրավունքի:

28-ամյա կնոջ եւ չորս երեխաների մոր՝ Էլիզաբեթ Փյուլի մարմինը հայտնաբերվել էր 2016 թվականի ապրիլին Ուորտ լճում:

Նշվում է, որ տեղի ձկնորսները բղավոցներ էին լսել եւ տեսել կամրջից ցած ընկնող մարմինը:

Կնոջ մարմինը հայտնաբերած մարդիկ նկատել էին նաեւ նրա վզին կապված քարը:

Սպանությունից 10 օր անց նրա ամուսինը ձերբակելվել էր:

Էլիզաբեթն աշխատում էր որպես բուժքույր եւ դաստիարակում Ռուդոլֆոյի հետ իրենց երեք որդիներին ու դստերը:

Ըստ նախնական վարկածի՝ ոստիկանությունը եզրակացրել էր, որ դա ինքնասպանություն էր, սակայն դատաբժշկական փորձաքննությունից հետո պարզ էր դարձել, որ կնոջը սպանել էին:

Լիճն ընկնելու պահին կինը դեռ ողջ էր:

Զոհի հարազատները պնդում են, որ Էլիզաբեթը պատրաստվում էր ամուսնալուծվել: