նախընտրելի դարձնել
Թաիլանդի խորհրդարանը կիբեր անվտանգության մասին հակասական օրենք է ընդունել, որը իշխանություններին թույլ կտա հասանելիություն ստանալ անձնական տեղեկատվությանն՝ առանց դատարանի որոշման, հաղորդում է AP-ն:
Կիբերանվտանգության մասին օրենքը վերաբերում համակարգչային հաքերության հետ կապված հանցագործություններին, սակայն ակտիվիստները մտավախություն ունեն, որ դա կառավարությանը կօգնի ընդլայնել քաղաքացիների անձնական տեղեկատվության հասանելիությունը:
Օրենքը թույլ է տալիս պետական պաշտոնյաներին կալանավորել, խուզարկել, ներթափանցել եւ համակարգիչներից, համակարգչային համակարգերից պատճենահանումներ կատարել եւ տեղեկատվություն ստանալ առանց դատական կարգադրագրի, եթե այն բարձր մակարդակի անվտանգության սպառնալիք են համարում: Համապատասխան դատարանները կարող են ավելի ուշ տեղեկացվել նման գործողությունների մասին:
