նախընտրելի դարձնել
Նախնական փուլում որոշակի աստիճանով փոփոխվել էին խաղի կանոնները, եւ Հայաստանի արտադրության որոշ տեսակների գները սկսել էին նվազել, սակայն այժմ սկսվել է հակառակ գործընթաց։ Այս մասին մայիսի 6-ին լրագրողների հետ հանդիպմանը հայտարարել է տնտեսագետ Վահագն Խաչատրյանը։ Ընդ որում, նա նշել է, որ դեռեւս ոչ մի անգամ չի հանդիպել ձեռներեցների, որոնք հրաժարվել են իրենց գերշահույթից։
«Ես երբեք չեմ ընդունել եւ չեմ ընդունի նման դիրքորոշման գոյությունը։ Հանուն ինչի՞ նրանք պետք է այդպես աշխատեն։ Հանուն գաղափարի՞։ Նման բան չի լինում։ Դա պարզապես անհնար է»,- պարզաբանեց Խաչատրյանը։ Տնտեսագետը նաեւ նկատեց, որ վերջին ժամանակներս շատ բիզնեսմեններ փորձում են «իրենց հրեշտակի տեղ դնել»։
«Այդ ձեռներեցները փորձում են ինձ համոզել, որ իրենք սկսել են բիզնեսով զբաղվել, որ ես լավ ապրեմ։ Այդպես չի լինում։ Նրանք սկսել են դրանով զբաղվել հենց նրա համար, որպեսզի լավացնեն եւ բարձրացնեն հենց իրենց կյանքի մակարդակը, եւ դա ճիշտ է, դա տրամաբանական է, այդպես էլ պետք է լինի»,- ընդգծեց փորձագետը՝ հավելելով, որ ոչ մի հայ բիզնեսմեն չի կարողացել հրաժարվել այն ամենից, ինչին նրանց հաջողվել է հասնել այս տարիների ընթացքում։
