Երեւանի թիվ 50 հիմնական դպրոցում ֆրանկոֆոնիայի օրերի շրջանակներում մարտի 22-ի կեսօրին դպրոցում բացվել է ֆրանսիայի պատմությանը նվիրված սրահ: Սրահի թվով 20 վահանակներ ներկայացնում են բոլոր դարաշրջանների Ֆրանսիայի պատմությունը: Առանձին վահանակներով ներկայացված են Փարիզի տեսարժան վայրերը, Փրանկո‎ֆոն երկրների խորհրդանիշները, Ֆրանսիայի թագավորների տոհմածառը, նախագահները եւ այլն:

Դպրոցի 4-11-րդ դասարանի աշակերտները միջոցառման մասնակիցներին ներկայացրել են Լա Ֆոնտենի առակները, ինչպես նաեւ «Ճպուռն ու մրջյունը» երաժշտական բեմադրությունը: Ամփոփվել է նաեւ «Լա Ֆոնտենի առակները» թեմայով նկարչական մրցույթի արդյունքները:

Նշենք, որ դպրոցը 2005թ.-ից համագործակցում է «Թոշակառու Մանկավարժներ Առանց Սահմանի (GREF)» Ֆրանսիական կազմակերպության հետ:

2007թ-ին դպրոցն ընդգրկվել է «Հայաստան, իմ բարեկամ» ծրագրում, որի շրջանակներում մի խումբ աշակերտներ՝ դպրոցի ‎ֆրանսերեն լեզվի մեթոդ միավորման նախագահ, ‎ֆրանսերեն լեզվի ուսուցչուհի Վ.Հակոբյանի ղեկավարությամբ մեկ շաբաթ հյուրընկալվել են  Փարիզում՝ ‎‎ֆրանսիական ընտանիքներում:

Միջոցառմանը ներկա են եղել GREF-ի ներկայացուցիչներ, Երեւան քաղաքի մի շարք դպրոցների ֆրանսերեն լեզվի ուսուցիչներ, հրավիրված այլ անձինք: