նախընտրելի դարձնել
2020 թվականին Բարձրագույն դատական խորհրդին հատկացվելիք միջոցների հիմնական մասը կծախսվի աշխատակիցների աշխատավարձերի եւ պարգեւավճարների վրա։ Այս մասին խորհրդարանական մշտական հանձնաժողովների համատեղ նիստում, 2020 թվականի պետբյուջեի նախնական քննարկման ժամանակ, հոկտեմբերի 30-ին ասաց Հայաստանի Դատական դեպարտամենտի ղեկավար Կարեն Փոլադյանը։
Անդրադառնալով տրանսպորտային միջոցներին, որոնք տրամադրվել են ԲԴԽ-ին եւ դատարաններին, Փոլադյանը նշել է, որ երկու տրանսպորտային միջոց արդեն գտնվում է վերադարձվելու գործընթացում։ «Դատական համակարգն ունի 30 մեքենա։ 2 մեքենաների օտարման գործընթացն արդեն սկսվել է։ 28 մեքենաներից 3-ը ծառայողական են, մնացածը՝ սպասարկող եւ եւս երկուսը՝ բեռնատար։ Միեւնույն ժամանակ, 26 մեքենայից 17-ը սպասարկում է մեկ դատարանի, մյուս 9-ը՝ Բարձրագույն դատական խորհրդին եւ Դատական դեպարտամենտին»,- պարզաբանել է Կարեն Փոլադյանը։
