Արդեն հայտնի է դարձել  Թուրքիայում, Ստամբուլի Քումքափը թաղամասում գտնվող «Բահար» հյուրանոցում տեղի ունեցած սպանության կասկածյալների  ինքնությունը, որոնք վրացիներ են: Այս մասին գրում են թուրքական լրատվամիջոցները:

Թուրքական մամուլում արդեն սկսել են լուսաբանել են սպանության մեջ կասկածվող վրացիների լուսանկարները: Նշված կադրերն ստացվել են հյուրանոցի անվտանգության տեսախցիկի օգնությամբ` սպանությունից 5 րոպե առաջ:

Նշենք, որ սպանության մեջ մեղադրվում են Վրաստանի երեք քաղաքացիներ՝ Տատյանա Սվիանսկայան, Գիորգի եւ Վիտա Թեդիաշվիլիները:

Թուրքական ոստիկանությունը պարզել է, որ մեղադրյալները գողացել են 300 հազար թուրքական լիրա եւ մի քանի ժամ հետո լքելով թուրքական տարածքը, Ստամբուլի օդանավակայանից թռել են Բաքու:

Ավելի վաղ NEWS.am-ը հայտնել էր, որ Ստամբուլի Քումքափը թաղամասում գտնվող «Բահար» հյուրանոցում ատրճանակից արձակված կրակոցներից սպանվել են  հյուրանոցի սեփականատերն ու նրա ընկերուհին՝ վրացուհի  Ռոզա Իսմաիլովան:

Թուրքական Star-ի փոխանցմամբ՝  «Բահար» հյուրանոցի սեփականատեր 46-ամյա Նուսրեթ Շաքարը լարված հարաբերություններ է ունեցել հյուրանոցի ազգությամբ վրացի 3 աշխատակիցների հետ։  Սպանության օրն էլ կրկին վիճաբանություն է տեղի ունեցել Նուսրեթ Շաքարի եւ վրացի աշխատակիցների միջեւ։ Վիճաբանության ընթացքում վրացի աշխատակիցներն սպանել են Նուսրեթ Շաքարին եւ նրա 31-ամյա ընկերուհուն:

Ոստիկանությունը փնտրում է փախուստի դիմած աշխատակիցներին: