նախընտրելի դարձնել
Կիրակի «Տականամի» ճապոնական ռազմանավն ուղեւորվել է Մերձավոր Արեւելք նավթային լցանավերի անվտանգությունն ապահովելու նպատակով ջրերում, որտեղ բարձր է ԱՄՆ-ի եւ Իրանի միջեւ լարվածությունը, հաղորդում է Associated Press-ը:
Նավը, որի անձնակազմը կազմում է 200 նավաստի, դուրս է եկել Տոկիոյի մերձակայքում Ճապոնիայի հիմնական ռազմաբազայից:
Նավի հիմնական խնդիրը Հորմուզի ծոցում եւ դրա մերձակա ջրերում տեղեկատվություն հավաքագրելն է:
Նավերին ճանապարհելու արարողության ժամանակ ելույթ ունենալիս Ճապոնիայի վարչապետ Սինձո Աբեն հայտարարել է, որ այդ ջրերը կենսական նշանակություն ունեն Ճապոնիայի համար:
Չէ՞ որ ամեն տարի այդկերպ երկիր են մուտք գործում հազարավոր նավեր, որոնք ապահովում են Ճապոնիայում նավթի մատակարարման 90 տոկոսը:
