նախընտրելի դարձնել
Minotaur IV տանող հրթիռը մեկնարկել է Վիրջինիայի տիեզերակայանից՝ ԱՄՆ Ռազմատիեզերական հետախուզության ազգային վարչության եւ Տիեզերական ուժերի NROL-129 առաքելությամբ, փոխանցում է «Ամերիկայի ձայնը»:
Քանի որ Ռազմատիեզերական հետախուզության ազգային վարչության գործունեությունը սովորաբար գաղտնի բնույթ ունի, NROL-129 առաքելության եւ դրա նշանակման վերջնական վայրի մասին մանրամասները հայտնի չեն:
«NROL-129-ն աջակցում է Ռազմատիեզերական հետախուզության ազգային վարչության՝ ԱՄՆ քաղաքական ղեկավարությանը, հետախուզական միությանը եւ պաշտպանության նախարարությանը հետախուզական տվյալներ տրամադրելու ընդհանուր առաքելությանը»,- նշված է առաքելության մամուլի հաղորդագրության մեջ:
Minotaur 24-մետրանոց տանող հրթիռը, որն արտադրել է Northrop Grumman կոնցեռնը, կազմված է 4 աստիճանից: Հրթիռը տրամադրվել է 2010 թվականի ապրիլին եւ այդ ժամանակից ի վեր կատարել է 7 հաջող առաքելություն:
Արձակումը կատարվել է Ուոլոփս կղզում գտնվող Միջինատլանտյան տարածաշրջանային տիեզերակայանի մեկնարկային հարթակից (Mid-Atlantic Regional Spaceport, MARS): ՆԱՍԱ-ի զբոսաշրջային կենտրոնը արձակման ժամանակ փակ էր:
