Կիեւում եւ Ուկրաինայի մյուս քաղաքներում այսօր մեկնարկում է  «ցասման օր» անժամկետ ակցիան` նախագահի, կառավարության եւ Գերագույն ռադայի հրաժարականի պահանջով:

Ակցիային մասնակցության մասին են հայտնել տասնյակ արհմիություններ եւ հասարակական միավորումներ, հաղորդել է ակցիայի կազմակերպիչ «Ընդհանուր գործ» քաղաքացիական շարժումը:

Ակցիայի մասնակիցները բողոքում են կոմունալ ծառայությունների սակագների բարձրացումից, իշխանությունների կողմից փոքր եւ միջին բիզնեսի ոչնչացումից, բնակչության բարեկեցության մակարդակի իջեցումից:

Ընդդիմադիր կուսակցություններն ակցիային չեն մասնակցում, թեեւ հայտարարել են վերոնշյալ պահանջները սատարելու մասին, հաղորդում է «Ազատություն» ռադիոկայանը: