նախընտրելի դարձնել
Լրատվամիջոցները հաշվի չեն առնում Առնոլդ Շվարցենեգերի կոչերը՝ չներխուժել իր անձնական կյանք, եւ հրապարակել են այն սպասուհու լուսանկարներն ու անունը, ումից հոլիվուդյան աստղ, Կալիֆորնիայի նախկին նահանգապետ Առնոլդ Շվարցենեգերը որդի ունի։
TMZ.com-ի ներկայացրած լուսանկարում սպասուհի Միլդրեդ Պատրիսիա Բայենան է՝ Շվարցենեգերի արտաամուսնական կապից ծնված որդու հետ։ Տաբլոիդը հրապարակել է նաեւ երեխայի լուսանկարը։ Ինչպես հաստատում են լրատվամիջոցները, երեխան եւ Շվարցենեգերն իրար նման են ջրի երկու կաթիլի պես։ Սակայն Պետտին երկար ժամանակ կարողացել է իր ամուսնուց եւ Շվարցենեգերից գաղտնի պահել այն, թե ումից է երեխան, հայտնում է NEWSru.com-ը։
Նրանց սիրավեպը սկսվել է երկար տարիներ առաջ։ Սպասուհին պատմել է, որ սեքսով զբաղվելիս իրենք չեն պաշտպանվել։ Բայենան երբեք տիրոջ տանը չի գիշերել։ Նրանց միջեւ ամեն բան եղել է ցերեկը, այնպես որ ոչ ոք նրանց «չի բռնացրել»։
Ներկայումս Պետտին չորս երեխաների հետ ապրում է չորս սենյականոց եւ լողավազանով տանը՝ Լոս Անջելեսից մ ի քանի ժամվա ճանապարհի վրա։ Նա Շվարցենեգերի տանն աշխատել է 20 տարի եւ աշխատանքից ազատվել է միայն այս տարվա սկզբին:
