Հայաստանի  արդարադատության նախարարության «Էրեբունի»  քրեակատարողական հիմնարկում նախկինում 6 անգամ ազատազրկման դատապարտված Մխիթար Վարդանյանը (ՀՀ քրեական օրենսգրքի 175-րդ հոդվածի 2-րդ մասի 2-րդ և 3-րդ կետերով 8 տարի ազատազրկման դատապարտված)  մայիսի 22-ին, ժամը 17:10-ի սահմաններում, կախվելու միջոցով ինքնասպանություն է գործել:

Դիակի զննությամբ հայտնաբերվել է գրություն, որով դատապարտյալը խնդրել է իր արարքի համար չմեղադրել այլ անձանց, հայտնում է  ՔԿՎ հասարակայնության հետ կապերի բաժնի պետ Արսեն Բաբայանը:

Նա ընդգծել է, որ ըստ ընդունված կարգի` քրեակատարողական հիմնարկներում  յուրաքանչյուր ինքնասպանության փաստով քրեական գործ է հարուցվում` մարդուն ինքասպանության հասցնելու  հնարավոր վարկածները ստուգելու նպատակով:   

Նախաքննությունը շարունակվում է: