նախընտրելի դարձնել
ԱՄՆ պետքարտուղար Մայք Պոմպեոն կհեռանա Ճապոնիայից կիրակի եւ չի ուղեւորվի Մոնղոլիա ու Հարավային Կորեա, ինչպես նախատեսվում էր ավելի վաղ, այն բանից հետո, երբ ԱՄՆ նախագահ Դոնալդ Թրամփի մոտ ախտորոշվել է կորոնավիրուս եւ նա հոսպիտալացվել է, հայտարարել է ԱՄՆ Պետդեպը, հաղորդում է Reuters-ը:
Ի սկզբանե պլանավորվել էր, որ Մայք Պոմպեոն կայցելի բոլոր երեք երկրները հոկտեմբերի 4-8-ը: Նա կհեռանա Տոկիոյից կիրակի, սակայն կվերադառնա Վաշինգտոն հոկտեմբերի 6-ին ճապոնիացի գործընկերների հետ խորհրդակցություններից եւ Հնդկաստանի ու Ավստրալիայի ԱԳ նախարարների հետ առավել լայն ձեւաչափով հանդիպմանը մասնակցելուց հետո:
Հիշեցնենք, որ ավելի վաղ ԱՄՆ նախագահ Դոնալդ Թրամփը հայտարարել էր, որ նա եւ առաջին տիկին Մելանի Թրամփը վարակվել են կորոնավիրուսով: Ավելի ուշ ԱՄՆ նախագահը տեղափոխվել է Ուոլթեր Թիռի անան ռազմաբժշկական կենտրոն հետագա բուժումը ստանալու համար:
