Thai Airways-ը սկսում է հատուկ կրոնական չվերթ ոչ մի տեղ: Ինքնաթիռը կթռչի ավելի քան 99 սուրբ վայրերի վրայով՝ թույլ տալով ուղեւորներին կրկնել բուդդայական մանտրաներ, եւ կվերադառնա մեկնման օդանավակայան:

Վերջին ամիսներին ավիաընկերությունը հանդես է եկել մի շարք նոր նախաձեռնություններով` համավարակի ընթացքում ջրի երեսին մնալու համար: Նա վաճառքի է հանել պայուսակներ՝ պատրաստված փրկարարական բաճկոններից եւ լեռնային լաստահարթակներից, Բանգկոկում բացել է ավիաընկերության ոճի սրճարան, որտեղ վաճառում են ինքնաթիռների սնունդ, եւ նրբաբլիթ վաճառող մթերային կրպակ: Ընկերությունը հանրության համար բացել է նաեւ Airbus եւ Boeing իր սիմուլյատորները:

Նոր չվերթը նախքան Բանգկոկ վերադառնալը կթռչի 31 նահանգներում տաճարների վրայով: Ուղեւորներին կտրվի աղոթագիրք եւ հատուկ սնունդ, իսկ տոմսերի արժեքը կլինի 5999 բաթից (149 ֆունտ սթեռլինգ) մինչեւ 9999 բաթ (248 ֆունտ սթեռլինգ):

Համավարակի ընթացքում «թռիչքներ ոչ մի տեղ» են սկսել նաեւ մի քանի այլ ավիաընկերություններ, այդ թվում՝ Թայվանի EVA-ն, Ճապոնիայի ANA-ն:

Ինդոնեզիայի ազգային Garuda ավիաընկերությունը վաճառում է թռիչքային ուտեստներ՝ տանելու համար, իսկ Singapore Airlines-ը գետնին կանգնած ինքնաթիռում ընթրիքի համար յուրաքանչյուր անձից մինչեւ 360 ֆունտ սթեռլինգ է վերցնում: