ԱՄՆ նախագահ Դոնալդ Թրամփի վարչակազմը մտադիր է կրճատել ամերիկյան զորակազմի թվաքանակը Աֆղանստանում եւ Իրաքում, յուրաքանչյուր երկրում մինչեւ հունվարի 15-ը նախատեսվում է թողնել 2500-ական զինվորական, հաղորդում է ՏԱՍՍ-ը՝ հղում անելով CNN-ին:

Ըստ նրա աղբյուրների, ԱՄՆ զինված ուժերն ակնկալում են այս շաբաթ հրաման ստանալ «զորքերի հետագա դուրսբերման համար», հնարավոր է՝ երկու-երեք օրվա ընթացքում: Ներկայումս Աֆղանստանում կա շուրջ 4500 ԱՄՆ զինծառայող, իսկ Իրաքում՝ շուրջ 3000, հիշում է CNN-ը:

Հունվարի 20-ին ԱՄՆ-ում, ինչպես սպասվում է, տեղի կունենա նոր նախագահի երդմնակալության արարողությունը: Ըստ առաջատար լրատվամիջոցների հաղորդագրությունների, նոյեմբերի 3-ին կայացած ընտրություններում հաղթել է դեմոկրատ Ջոզեֆ Բայդենը: Նա ապահովել է ավելի քան 270 ընտրողների աջակցությունը, որոնց ձայներն անհրաժեշտ են Թրամփին նախագահի պաշտոնում հաղթելու համար: Բայդենը հայտարարել է ընտրություններում իր տարած հաղթանակի մասին: Գործող նախագահ Դոնալդ Թրամփը, ով առաջադրվել է երկրորդ ժամկետի համար, չի ընդունել պարտությունը եւ հայտարարել է ձայների հաշվարկի վերաբերյալ դատարան դիմելու իր որոշման մասին, քանի որ, նրա կարծիքով, ընտրություններում դեմոկրատների կողմից բազմաթիվ խախտումներ են եղել: