նախընտրելի դարձնելՏավուշի մարզի Իջեւան քաղաքում հունիսի 3-ին կայացել է Հայաստանի եւ Վրաստանի միջխորհրդարանական համագործակցության հանձնաժողովի համանախագահներ` ՀՀ Ազգային ժողովի փոխնախագահ Սամվել Բալասանյանի եւ Վրաստանի խորհրդարանի փոխնախագահ Միխայիլ Մաչավարիանիի հանդիպումը:
Հանդիպմանը մասնակցել են Վրաստանում Հայաստանի դեսպան Հովհաննես Մանուկյանը եւ Հայաստանում Վրաստանի դեսպան Թենգիզ Շարմանիշվիլին, ինչպես նաեւ խորհրդարանականներ երկու կողմից:
Քննարկվել են հանձնաժողովի գործունեության արդյունավետության բարձրացմանը վերաբերող մի շարք հարցեր, ընդգծվել է երկու խորհրդարանների միջեւ համագործակցության զարգացման եւ ակտիվացման կարեւորությունը, ինչպես նաեւ անդրադարձ է եղել երկկողմ հետաքրքրություն ներկայացնող այլ հարցերի:
