Կանադայի եւ Ռուսաստանի ԱԳՆ ղեկավարներ Մարկ Գառնոն եւ Սերգեյ Լավրովը Ռեյկյավիկում քննարկել են Լեռնային Ղարաբաղի իրավիճակը, տեղեկացնում է ՏԱՍՍ-ը՝ հղում կատարելով Կանադայի ԱԳՆ-ին։

Գառնոն նորից կրկնել է, որ Կանադան կոչ է անում Հայաստանին եւ Ադրբեջանին թուլացնել լարվածությունը։

Բացի այդ, Գառնոն Լավրովին է ներկայացրել Ղրիմի վերաբերյալ Օտտավայի հայտնի դիրքորոշումը, մտահոգություն է հայտնել ուկրաինական սահմանի երկայնքով ռուսական զորքերի վերջերս տեղի ունեցած տեղաշարժերի առնչությամբ, ինչպես նաեւ կոչ է արել Մոսկվային ազատ արձակել դատապարտյալ Ալեքսեյ Նավալնուն։