Երեքշաբթի առավոտյան պղնձի արժեքը բարձրանում է համաշխարհային արժույթների նկատմամբ դոլարի թուլացմամբ, ինչպես նաեւ Չինաստանից ստացվող ուժեղ վիճակագրությամբ պայմանավորված, վկայում են սակարկությունների տվյալները, տեղեկացնում է «Պրայմ»-ը։

Պղնձի հուլիսյան ֆյուչերսների արժեքը Comex բորսայում ավելացել է 0,34 տոկոսով՝ մինչեւ մեկ ֆունտը (մոտ 0,45 կիլոգրամ) 4,6852 դոլար։

Մետաղների Լոնդոնի բորսայում (LME) մեկ տոննա պղնձի արժեքը՝ երեք ամիս հետո մատակարարմամբ, ուրբաթ օրվա սակարկությունների արդյունքներով՝ ավելացել է 0,36 տոկոսով՝ մինչեւ 10258 դոլար, ալյումինիումինը՝ 0,08 տոկոսով՝ մինչեւ 2483 դոլար, ցինկինը նվազել է 0,03 տոկոսով՝ մինչեւ մեկ տոննան 3060 դոլար։ Երկուշաբթի Լոնդոնում սակարկություններ տեղի չեն ունեցել։

Դոլարի ինդեքսը (դոլարի փոխարժեքը վեց երկրների՝ ԱՄՆ հիմնական առեւտրային գործընկերների արժույթների զամբյուղի հանդեպ) նվազում է 0,23 տոկոսով՝ մինչեւ 89,82 կետ։ Դոլարն ավելի է էժանացնում հումքային ապրանքները, այդ թվում պղինձը, դրանք ավելի հասանելի են այլ արժույթով գնելիս։