նախընտրելի դարձնել
ԱՊՀ երկրների ինստիտուտը նշում է իր 25-ամյակը: Այն Ռուսաստանում միակ գիտական կազմակերպությունն է, որն ուսումնասիրում է սոցիալ-քաղաքական եւ տնտեսական գործընթացները հետխորհրդային ողջ տարածքում, հաղորդել է ՕՏՌ-ն:
Ինստիտուտը զբաղվում է արտերկրում ռուսաց լեզվի եւ մշակույթի մասսայականացմամբ: Ավելին, դրա աշխատակիցներն աջակցում են ռուսներին, որոնք հայտնվում են զինված հակամարտության գոտիներում:
Ինստիտուտում գործում է նաեւ իրավական կենտրոն: Այն անվճար իրավաբանական օգնություն է տրամադրում արտերկրի իրենց հայրենակիցներին եւ նրանց, ովքեր հայրենիք վերադառնալիս խնդիրների առաջ են կանգնում:
«Ինստիտուտը ունի մեկ այլ անուն եւս` Սփյուռքի եւ ինտեգրման ինստիտուտ: Մենք պարզապես չենք գրանցում այն, ինչ տեղի է ունենում, այլ փորձում ենք Ռուսաստանին եւ նրա իշխանություններին, հասարակական կարծիքին, քաղաքացիական հասարակությանը եւ լրագրողական համայնքին առաջարկել մեր տեսլականը, թե ինչպիսին են այժմ Ռուսաստանի նոր ազգային շահերը», - հայտարարել է ԱՊՀ երկրների ինստիտուտի տնօրեն Կոնստանտին Զատուլինը:
ԱՊՀ երկրների ինստիտուտը հիմնադրվել է Մոսկվայի պետական համալսարանի, ՄԳԻՄՕ-ի եւ Ռուսաստանի գիտությունների ակադեմիայի կողմից: Մայրաքաղաքից բացի, ներկայացուցչություններ եւ գործընկեր կազմակերպություններ կան Սեւաստոպոլում, Երեւանում, Տիրասպոլում, Մինսկում եւ Բելգրադում:
