նախընտրելի դարձնել
Անկարայում Հունաստանի եւ Ֆրանսիայի միջեւ պաշտպանական համաձայնագիրը համարել են «սպառնալիք տարածաշրջանի խաղաղությանը եւ կայունությանը»։
«Հունաստանի առավելապաշտական նկրտումները ծովային շրջանների եւ օդային տարածքի հանդեպ անհամատեղելի են միջազգային իրավունքի հետ։ Հունաստանը կարող է չերազել, թե կստիպի մեզ ընդունել այդ նկրտումները Թուրքիայի դեմ երկկողմ ռազմական դաշինքների ստեղծման ճանապարհով, որոնք վնաս կհաասցնեն ՆԱՏՕ-ին»,- ասել է Թուրքիայի արտաքին գործերի նախարարության պաշտոնական ներկայացուցիչ Թանժու Բիլգիչը։
Ավելի վաղ Հունաստանը 3 մլրդ եվրո գումարի պաշտպանական համաձայնագիր էր ստորագրել Ֆրանսիայի հետ, ներառյալ ֆրանսիական երեք ֆրեգատների գնումը հունական նավատորմի համար։ Համաձայնագիրը ներառում է պայմանագիր փոխօգնության մասին երրորդ երկրի հարձակման դեպքում։
