նախընտրելի դարձնել
Ռուսաստանի եւ Հարավարեւելյան Ասիայի երկրների ասոցիացիայի (ԱՍԵԱՆ) առաջին ռազմածովային զորավարժությունները կանցկացվեն այս տարվա դեկտեմբերի 1-ից 3-ն Ինդոնեզիայում: Այս մասին ՏԱՍՍ-ին հայտնել է ԱՍԵԱՆ-ում Ռուսաստանի Դաշնության մշտական ներկայացուցիչ Ալեքսանդր Իվանովը։
Գործակալության զրուցակցի խոսքով՝ «Ռուսաստան-ԱՍԵԱՆ ռազմածովային զորավարժությունները կանցկացվեն դեկտեմբերի 1-ից 3-ն Ինդոնեզիայի տարածքային ջրերում՝ Հյուսիսային Սումատրայի շրջանում»։ «Ռուսական կողմից դրանց կմասնակցի խոշոր հակասուզանավային «Ադմիրալ Պանտելեեւ» նավը»,- մանրամասնել է Իվանովը։
Նա պարզաբանել է, որ զորավարժությունների նպատակն է «ռուսական նավատորմի եւ ԱՍԵԱՆ-ի անդամ երկրների ռազմածովային ուժերի միջեւ փոխգործակցության մշակմանը` համար ծովային առեւտրային գործունեության եւ նավագնացության անվտանգության ապահովման համար»: «Զորավարժությունները կբաժանվեն երկու փուլի՝ վիրտուալ եւ ծովային»,- հավելել է Իվանովը։ Սպասվում է, որ զորավարժությունների մեկնարկը կտրվի Ինդոնեզիայի պաշտպանության նախարար Պրաբովո Սուբիանտոյի կողմից:
