նախընտրելի դարձնել
Իսրայելը եւ Մարոկկոն համաձայնագիր են ստորագրել, որով Ռաբաթի համար հեշտացնում է իսրայելական պաշտպանական անվտանգության բարձր տեխնոլոգիական արտադրանքի ձեռքբերումը, հայտնում է AFP-ն։
Փոխըմբռնման հուշագիրը, որը ստորագրել են Իսրայելի պաշտպանության նախարար Բենի Գանցը եւ Մարոկկոյի պաշտպանության նախարար Աբդելլաթիֆ Լուդիան Ռաբաթում, «աննախադեպ» է հրեական պետության համար, ասել է իսրայելցի պաշտոնյան: Իսրայելը մի քանի անվտանգության հուշագրեր ունի դաշնակից երկրների հետ, նշել է պաշտոնյան, սակայն Մարոկկոյի հետ գործարքն իր տեսակի մեջ առաջինն է արաբական երկրների մեծ մասի հետ:
Իսրայելը լիարժեք դիվանագիտական հարաբերություններ ունի միայն չորս արաբական երկրների՝ Եգիպտոսի, Հորդանանի, Արաբական Միացյալ Էմիրությունների (ԱՄԷ) եւ Բահրեյնի հետ։
Իսրայելի պաշտպանության նախարարությունը վերահսկում է անվտանգության ոլորտի բոլոր արտահանումները, եւ հրեական պետությունը նորագույն արտադրանք է առաջարկում՝ մարտական անօդաչու թռչող սարքերից մինչեւ «Երկաթե գմբեթ» հակահրթիռային պաշտպանության համակարգ:
Պաշտպանության նախարարությունը հայտնել է, որ Մարոկկոյի փոխըմբռնման հուշագիրը «պաշտոնական համագործակցություն» կհաստատի «օպերատիվ պլանավորման, գնումների, հետազոտությունների եւ ուսուցման ոլորտում»:
