նախընտրելի դարձնել
Կառավարությունն իր այսօրվա՝ հունվարի 13-ի նիստում որոշեց 2021 թվականի պետբյուջեի միջոցներով իրականացված Երևան-Երասխ-Գորիս-Մեղրի-Իրանի սահման միջպետական նշանակության ավտոճանապարհի երկու հատվածների հիմնանորոգման աշխատանքների ընթացքում ապամոնտաժված ճանապարհային տարրերը հետ վերցնել ՀՀ տարածքային կառավարման և ենթակառուցվածքների նախարարությունից և ամրացնել ՀՀ ՊՆ-ին:
Որոշման հիմնավորման մեջ, մասնավորապես, ասվում է. «Նկատի ունենալով, որ այդ ճանապարհային տարրերն անհրաժեշտ չեն ՀՀ տարածքային կառավարման և ենթակառուցվածքների նախարարության կարիքների համար, ուստի նախարարությունը չի առարկել սահմանված կարգով տվյալ ակտիվները հանձնել ՀՀ պաշտպանության նախարարությանը:
Պարզվել է, որ դրանք կարող են կիրառվել ՀՀ զինված ուժերի սահմանագծի սարքավորման աշխատանքների ժամանակ, ուստի նպատակահարմար է դրանք օգտագործել սահմանային ոլորտում հասարակության և պետության կենսականորեն կարևոր շահերի պաշտպանվածության համար»:
