Առողջապահության համաշխարհային կազմակերպությունը հայտարարել է, որ ձեռնոցների, «լուսնային կոստյումների» չափից ավելի օգտագործումը եւ կորոնավիրուսի տարածումը կանխելու նպատակով պատվաստումների համար միլիարդավոր դիմակների եւ ներարկիչների օգտագործումը ամբողջ աշխարհում առաջացրել է բժշկական թափոնների հսկայական ավելցուկ, հաղորդում է AP-ն:

ԱՀԿ-ն հայտնել է, որ տասնյակ հազարավոր տոննա լրացուցիչ բժշկական թափոններ ծանրաբեռնում են թափոնների կառավարման համակարգերը եւ սպառնում ինչպես առողջությանը, այնպես էլ շրջակա միջավայրին՝ մատնանշելով այդ համակարգերի բարելավման «սուր անհրաժեշտությունը»:

«Բնակչությանը դիմելը մասամբ ավելի գիտակից սպառող դառնալն է», - ասել Է ԱՀԿ-ի ջրամատակարարման, սանիտարական, հիգիենայի եւ առողջապահության բաժնի տեխնիկական աշխատակից, դոկտոր Մարգարետ Մոնթգոմերին:

«Մենք հայտնաբերում ենք, որ մարդիկ կրում են անհատական պաշտպանության միջոցների չափազանց մեծ քանակություն», - ասել է Մոնթգոմերին:

ԱՀԿ-ի տվյալներով ՝ մոտավորապես 87 հազար տոննա այդպիսի թափոնների մեծ մասը, ներառյալ, այսպես կոչված, «լուսնային կոստյումները» եւ ձեռնոցները, բաժին են ընկնում 2020 թվականի մարտից մինչեւ 2021 թվականի նոյեմբեր ընկած ժամանակաշրջանին:

Պատվաստանյութի ավելի քան 8 մլրդ չափաբաժին, որը ներդրվել է ամբողջ աշխարհում, հանգեցրել է 143 տոննա լրացուցիչ թափոնների ձեւավորմանը՝ ներարկիչների, ասեղների եւ անվտանգ կոնտեյներների տեսքով:

«Բացարձակապես անհրաժեշտ է առողջապահության աշխատողներին ապահովել պաշտպանության ճիշտ միջոցներով։ Բայց նաեւ կարեւոր է համոզվել, որ այն կարող է օգտագործվել անվտանգ, առանց շրջակա միջավայրի վրա ազդելու», - հայտարարել է ԱՀԿ-ի արտակարգ իրավիճակների ղեկավար դոկտոր Մայքլ Ռայանը: