նախընտրելի դարձնել
Հայտնի ներդրող, Berkshire Hathaway-ի փոխնախագահ Չառլի Մանգերը աճող ինֆլյացիան համարում է «միջուկային պատերազմից հետո ամենամեծ երկարաժամկետ վտանգը»։
Քանի որ սպառողական գները, նախորդ տարվա հունվարի ինֆլյացիայի ցուցանիշների համեմատ, աճել են 7.5 տոկոսով, Դաշնային պահուստային համակարգը ներկայումս ճնշման է ենթարկվում, որպեսզի զեղչի տոկոսադրույքները այս տարի նախկինում կանխատեսվածից ավելի շատ բարձրացնի։
Պատասխանելով այն հարցին, թե ինչպես է այսօրվա ինֆլյացիան համեմատվում 1970-ականներին գների աճի հետ՝ Մանգերը նախազգուշացրել է, որ ներկայիս խնդիրները «կարող են ավելի վատ լինել, եւ դրանք ավելի դժվար է շտկել»:
Նրա խոսքով ՝ «մենք խաղում ենք լուրջ խնդիրներով», պատմությունը ցույց է տվել, որ չափազանց մեծ գումարի տպագրումը հանգեցնում է «սարսափելի խնդիրների»: Չնայած դրան՝ նա հույս ունի, որ նման հետեւանքները դեռ հեռու են։
«Ինֆլյացիան շատ լուրջ թեմա է։ Կարելի է պնդել, որ հենց այդպես են մահանում ժողովրդավարությունները ։ Դա հսկայական վտանգ է։ Այնպես որ սա ամենամեծ երկարաժամկետ վտանգն է, որը մենք ունենք միջուկային պատերազմից հետո», - ասել է նա՝ հիպերինֆլյացիան Հռոմեական կայսրության փլուզման պատճառը համարելով։
