նախընտրելի դարձնել
Ֆիջիի Հանրապետությունում դենգե տենդով վարակման 213 դեպք է հայտնաբերվել, տեղեկացնում է տեղական ռադիոն։
Ըստ Ֆիջիի առողջապահության նախարարության տվյալների՝ անցած շաբաթ արշիպելագի կղզիներում տեղացած հորդառատ անձրեւներից հետո «դենգե տենդով վարակման դեպքերի թիվը զգալիորեն ավելացել է»։
«Արձանագրվել է դենգե տենդի 213 դեպք»,- ասել է նախարարության ներկայացուցիչը։
Ֆիջիի Հանրապետության կառավարությունը դենգեի հետ կապված իրավիճակը ճգնաժամային չի համարում։ Այնուամենայնիվ, ցուցանիշը գերազանցել է 2021թ․ գրանցված ցուցանիշը։
2014 թվականից ի վեր Ֆիջիում դենգե տենդով հիվանդացությունը մնում է բարձր մակարդակի վրա, եւ պարբերաբար բռնկումներ են գրանցվում։
Տենդի ախտանիշներն են բարձր ջերմությունը, սրտխառնոցը, ցանը, գլխացավը եւ գոտկատեղի ցավը։
