նախընտրելի դարձնել
Գիտնականները հայտարարել են փոքր մայրցամաքի գոյության մասին, որը նրանք Բալկանատոլիա են կոչել, քանի որ այն ընդգրկում էր ժամանակակից Բալկանների եւ Անատոլիայի տարածքները: Բալկանատոլիայում կարող էր սպեցիֆիկ ֆաունա ապրել, որն այնուհետեւ իր տեղը զիջեց 34 միլիոն տարի առաջ Եվրոպան գաղութացրած կաթնասուններին Ասիայից: Այս մասին հոդվածը հրապարակվել է Earth-Science Reviews ամսագրում։
Էոցենի դարաշրջանում միլիոնավոր տարիներ (55-ից 34 միլիոն տարի առաջ) Արեւմտյան Եվրոպան եւ Արեւելյան Ասիան երկու առանձին ցամաքային զանգվածներ էին՝ շատ տարբեր կաթնասուններով. եվրոպական անտառները բնակեցված էին էնդեմիկ ֆաունայով, ինչպիսին են, օրինակ պալեոտերիանները՝ անհետացած խումբ, որը հեռու կերպով կապված է ժամանակակիցին ձիերի հետ, բայց ավելի շատ տապիրներ է հիշեցնում: Միեւնույն ժամանակ, Ասիան բնակեցված էր ավելի բազմազան կենդանական աշխարհով, այդ թվում՝ կաթնասունների ընտանիքներով, որոնք այժմ ապրում են երկու մայրցամաքներում:
Հայտնի է, որ մոտ 34 միլիոն տարի առաջ Արեւմտյան Եվրոպան գաղութացվել էր ասիական տեսակների կողմից, ինչը ողնաշարավորների ֆաունայի զգալի նորացման եւ էնդեմիկ կաթնասունների վերացման էր հանգեցրել։ Այս իրադարձությունը Մեծ բեկում (Grande Coupure) է կոչվում: Սակայն Բալկաններում հայտնաբերված բրածոները վկայում են Ասիական կաթնասունների ներկայության մասին Հարավային Եվրոպայում Մեծ բեկումից շատ առաջ, ինչը կարծես թե նոր տեսակների՝ այդ մայրցամաքում ավելի վաղ հայտնվել է ենթադրում:Այժմ ֆրանսիացի, ամերիկացի եւ թուրք գիտնականների խումբը՝ Ֆրանսիայի Գիտական հետազոտությունների ազգային կենտրոնի (CNRS) գիտնականների գլխավորությամբ, որոշել են բացահայտել այս պարադոքսը: Նրանք կարծում են, որ էոցենի մեծ մասի ընթացքում ժամանակակից Բալկաններին եւ Անատոլիային համապատասխանող տարածաշրջանը ցամաքային կենդանական աշխարհի բացարձակ վայր է եղել, որը բավականին միատարր էր մնացել, բայց, միեւնույն ժամանակ. տարբերվում էր Եվրոպայի եւ Արեւելյան Ասիայի կենդանական աշխարհից: Այս տարածաշրջանն էնդեմիկների պահպանման համար պետք է մեկ ցամաքային զանգված կազմեր՝ հարեւան մայրցամաքներից առանձնացված։ Բայց խոշոր սառցադաշտը, որը տեղի է ունեցել 34 միլիոն տարի առաջ եւ Անտարկտիդայի սառցաշերտի ձեւավորման եւ ծովի մակարդակի նվազման էր հանգեցրել, Բալկանատոլիան կապել է Արեւմտյան Եվրոպայի հետ, ինչն էլ հանգեցրել է Մեծ բեկմանը:
