նախընտրելի դարձնել
Չնայած տարածաշրջանում ստեղծված ծայրահեղ լուրջ իրավիճակին՝ Գլխավոր շտաբի նոր պետ դեռ չեն նշանակել։ Այս մասին մարտի 1-ին Ազգային ժողովի նիստում հայտարարեց «Պատիվ ունեմ» խմբակցության պատգամավոր Տիգրան Աբրահամյանը։
Պատգամավորն ընդգծեց, որ Ուկրաինայում նոր լայնամասշտաբ հակամարտությունը, որի մարտական գործողությունների գոտի ահաբեկիչների են տեղափոխում, ինչպես դա եղավ Արցախում, հիմք է տալիս ենթադրելու, որ այդ գործընթացները միայն Ուկրաինայով չեն սահմանափակվի։
«Պետք է պատրաստ լինել նրան, որ հակառակորդը կփորձի օգտվել տարածաշրջանում ստեղծված իրավիճակից եւ կփորձի սադրանքներ իրականացնել Հայաստանի եւ Արցախի նկատմամբ։ Նա նաեւ կարող է զորքեր կուտակել սահմանին։ Իշխանությունը՝ չնայած այս ամենին, դեռ ԳՇ նոր պետ չի նշանակել»,- դժգոհեց Աբրահամյանը։
«Նման իրավիճակում Գլխավոր շտաբը, որպես կանոն, գործում է առավելագույն ծանրաբեռնվածությամբ»,- նշեց պատգամավորը։
