նախընտրելի դարձնել
Մեծ Բրիտանիայի վարչապետ Բորիս Ջոնսոնը շաբաթ օրը Կիեւում կայացած հանդիպման ժամանակ Ուկրաինայի նախագահ Վլադիմիր Զելենսկուն ասել է, որ Մեծ Բրիտանիան երկրին 120 զրահամեքենա եւ նոր հականավային հրթիռային համակարգեր կտրամադրի, հայտնում է Reuters-ը։
Դաունինգ Սթրիթը հայտնել է, որ այդ օգնությունը տրվում է ի լրումն բարձրակարգ ռազմական սարքավորումների համար 100 մլն ֆունտ սթեռլինգ գումարի, որի մասին հայտարարվել էր ուրբաթ օրը։
Մեծ Բրիտանիան նաեւ երաշխավորում է Համաշխարհային բանկի կողմից եւս 500 մլն դոլարի վարկերի տրամադրում Ուկրաինային՝ վարկի երաշխիքների ընդհանուր գումարը հասցնելով 1 մլրդ դոլարի, ինչպես նաեւ ազատականացնում է Ուկրաինայից ներմուծվող ապրանքների մեծ մասի մաքսատուրքերը եւ այլ միջոցներ է ձեռնարկում ազատ առեւտուրը խթանելու համար:
