նախընտրելի դարձնել
Գերմանիան քայլեր է ձեռնարկել հեղուկ բնական գազի (ՀԲԳ) ներմուծումն ավելացնելու համար, քանի որ նա աստիճանաբար դադարեցնում է Ռուսաստանից խողովակաշարային մատակարարումները՝ պահեստավորման եւ վերագազիֆիկացման չորս լողացող բլոկների (FSRU) վարձակալություններ կազմակերպելով, հայտնում է Reuters-ը:
FSRU-ները Ռուսաստանից մատակարարումները դիվերսիֆիկացնելու Գերմանիայի ռազմավարության կարեւոր մասն են, քանի որ դրանք կնվազեցնեն ՀԲԳ չորս մշտական տերմինալների կառուցման համար անհրաժեշտ ժամանակը:
Եվրոպայի ամենամեծ տնտեսությունը իր մատակարարումների գրեթե մեկ երրորդը ստանում է ռուսական գազից, որի ներմուծումը 2021 թվականին կազմել է 142 միլիարդ խորանարդ մետր:
FSRU-ի պահանջարկը կտրուկ աճել է, քանի որ ամբողջ Եվրոպայում կառավարությունները պայքարում են ավելի շատ ՀԲԳ ստանալու արագ ուղիներ գտնելու համար:
Կառավարությունը FSRU-ին հատկացրել է 2,94 միլիարդ եվրո։
Սկզբում չորս FSRU-ներից մեկը խարսխված կլինի Վիլհելմսհավենում: Այն կունենա տարեկան 7,5 միլիարդ խորանարդ մետր հզորություն, որը համարժեք է Գերմանիայի գազի ընդհանուր պահանջարկի 8,5 տոկոսին։
Բեռլինի էկոնոմիկայի նախարարության եւ Ներքին Սաքսոնիայի շրջակա միջավայրի նախարարության համատեղ հայտարարության մեջ ասվում է, որ մնացած երեքը կունենան առնվազն 5 միլիարդ խորանարդ մետր հզորություն:
