նախընտրելի դարձնել«Քվեն ուժ է» ծրագրի շրջանակներում ՀՅԴ ներկայացուցիչները օգոստոսի 20-ից Գյումրիում սկսել են պայմանագրեր կնքել քաղաքացիների հետ, ովքեր ընտրական իրավունքի իրացման միջոցով հայտնելու են իրենց պատրաստակամությունը` ձեւավորել ժողովրդի իշխանություն:
«Այս նպատակով է, որ ձեւավորվել է ընտրական իրավունքի պաշտպանության հասարակական շարժումը: Շարժման հիմնական խնդիրներն են լինելու հասարակական գիտակցության մեջ ձեւավորել ժողովրդի իշխանության հաստատման գործում ընտրական իրավունքի առանձնահատուկ նշանակությունը եւ իհարկե այդ իրավունքի արդյունավետ պաշտպանությունը»,- հայտարարել է ՀՅԴ Գյումրիի գրասենյակի ներկայացուցիչ Արամ Հակոբյանը:
Գյումրիի կենտրոնում՝Թատերական հրապարակի մեջտեղում, ՀՅԴ ներկայացուցիչները կարմիր վրան են տեղադրել, որտեղհերթապահելու են երիտասարդ կուսակցականները: Երեկոյան դաշնակցականները լույսեր ու երաժշտություն են տեղադրելու հրապարակում՝ վրանի մոտ, որպեսզի ավելի շատ քաղաքացիներ հավաքեն ու ավելի շատ մարդկանց հետ պայմանագիր կնքեն:
