նախընտրելի դարձնել
Tesla-ն դադարեցրել է արտադրությունը Շանհայի իր գործարանում, հայտնում է Reuters լրատվական գործակալությունը։
Այս ամսվա սկզբին Reuters-ը հայտնել էր, որ էլեկտրական մեքենաների հսկան պատրաստվում է դեկտեմբերի 25-ից հունվարի 1-ը ընկած ժամանակահատվածում դադարեցնել Model Y-ի արտադրությունը գործարանում:
Գործունեության դադարեցումը տեղի է ունենում վարակների աճող ալիքի ֆոնին այն բանից հետո, երբ Չինաստանն այս ամսվա սկզբին թեթեւացրել է զրոյական COVID-ի իր քաղաքականությունը, որը կտրուկ քայլ էր եւ ողջունվում էր թե՛ բիզնեսի եւ թե՛ հասարակության կողմից, սակայն կարճաժամկետ կտրվածքով խաթարում էր բիզնեսի գործունեությունը:
Tesla-ի աշխատակիցները եւ մատակարարները նույնպես հիվանդացել են ալիքի հետեւանքով, ինչը անցյալ շաբաթ աշխատանքի համար խնդիրներ է առաջացրել, ասել են աղբյուրները:
Անցյալ շաբաթ Շանհայի գործարանը կենտրոնացած էր արտահանման համար մոդելներ արտադրելու վրա, հավելել է աղբյուրը։
Տարեվերջի հանգստյան օրերին գործարանի փակումը փորձված պրակտիկա չէ:
