Թերթը գրում է, որ Բելառուսի նախագահ Ալեքսանդր Լուկաշենկոն սահմանափակում է դրել իր երկիր ապրանքների ներկրման վրա` այդ թվում հայկական «Նոյ » գինու, կոնյակի եւ օղու գործարանի արտադրանքին` չնայած, որ գործարանի սեփականատեր Գագիկ Ծառուկյանը բավական մտերիմ հարաբերություններ ունի Լուկաշենկոյի հետ: «Ըստ լուրերի՝ Լուկաշենկոն արգելում է այդ ապրանքների ներկրումը՝ պարտադրելով իր երկրում համապատասխան գործարան հիմնել: «Մուլտի գրուպ» ընկերության ղեկավար Սեդրակ Առուստամյանը թերթի հետ զրույցում ասաց, որ ինքը տեղյակ չէ այդ արգելքից, եւ իրենք կոնյակն արտահանում են Բելառուս: Ի դեպ, Բելառուսում Հայաստանի դեսպան Արմեն Խաչատրյանն էլ Մինսկում առաջարկել է այդ երկրի իշխանություններին վերացնել հայկական կոնյակի ներկրման քվոտան: Ըստ  ուկրաինական գործակալություններից մեկի՝ դեսպանը հարցն ամենաբարձր մակարդակով կբարձրացնի»,- գրում է «Ժողովուրդ»-ը: