Կառավարության աջակցությամբ ձեռք բերված վերջին սերնդի սարքավորումների շնորհիվ, բարելավվել է Կենտրոնի փորձագիտական հետազոտությունների արդյունավետությունը, նպաստելով իրականացվող փորձաքննությունների ենթատեսակների ընդլայնմանն ու դրանց իրականացման ժամկետների կրճատմանը:

«ՀՀ փորձագիտական կենտրոն» ՊՈԱԿ-ից NEWS.am-ին հայտնում են, որ նշվածն ունի կարևոր նշանակություն քրեական հետապնդում և արդարադատություն իրականացնող մարմինների գործունեության արդյունավետության բարձրացմանն աջակցելու գործում։ Որակական ավելի բարձր ցուցանիշ ապահովելու նպատակով, այժմ հնարավոր է իրականացնել նաև հողի հետազոտություն հետևյալ տեսակներով՝

հողի մորֆոլոգիական հատկանիշները,

հողի հիդրոսկոպիկ ջրի որոշում,

հողի մեխանիկական կազմի որոշում,

հողի օրգանական նյութերի հետազոտություն,

հողի քիմիական հատկանիշների հետազոտություն (կարբոնատայնություն և pH),

հողի հեշտ հիդրոլիզվող ազոտի որոշում,

կարբոնատային հողերում շարժուն ֆոսֆորի որոշում,

փոխանակային կալիումի որոշում,

հողի քիմիական տարրերի որոշում։