նախընտրելի դարձնել
Եվրամիությունն աջակցում է Ուկրաինային ինքնապաշտպանության համար զինամթերքներ, մասնավորապես՝ կասետային ռումբեր տրամադրելուն, որոնք ԱՄՆ-ն կուղարկի հանրապետությանը։ Այս մասին հայտարարել է Եվրամիության արտաքին քաղաքական ծառայության ներկայացուցիչ Նաբիլա Մասրալին Բրյուսելում կայացած մամուլի ասուլիսում։
«Դա Ուկրաինա զինամթերքներ մատակարարող երկրների հարցն է։ Բայց ընդհանուր առմամբ մենք աջակցում ենք Ուկրաինային զինամթերքներ տրամադրելուն ինքնապաշտպանության համար»,- ասել է Մասրալին։
Հուլիսի 7-ին Սպիտակ տունը հայտարարել էր Ուկրաինային կասետային զինամթերքներ տրամադրելու մասին։ ԱՄՆ նախագահի ազգային անվտանգության գծով խորհրդական Ջեյք Սալիվանը նշել է, որ Վաշինգտոնում խոստովանել են, որ կասետային ռումբերի օգտագործումն Ուկրաինայում վտանգներ է պարունակում խաղաղ բնակչության համար։
Այդ նույն օրը ԱՄՆ նախագահ Ջո Բայդենը տեղեկացրել էր, որ Ուկրաինայի ԶՈւ-ին կասետային զինամթերքներ տրամադրելու որոշումը ընդունվել է, քանի որ նրանց սովորական ականներն սպառվել են։
