ԱՄՆ-ն ունի ամբողջ աշխարհում տեղակայված զինամթերքի մի քանի պաշարներ, որոնք այն պատրաստ չէ օգտագործել Ուկրաինա նոր մատակարարումներ կատարելու համար: Ինչպես երեքշաբթի օրը հայտնում է CNN-ը՝ հղում անելով աղբյուրներին, այս պաշարները նախատեսված են արտակարգ իրավիճակների դեպքում ԱՄՆ-ի կարիքները բավարարելու համար։

Հեռուստաալիքի տվյալներով, որը ստացվել է ԱՄՆ վարչակազմի ներկայացուցիչներից, «ԱՄՆ-ի զինանոցներում ամբողջ աշխարհով կա որոշակի քանակությամբ զինամթերք, որն արտակարգ իրավիճակների դեպքում պահեստ է կազմում, որից զինվորականները չեն ցանկանում բաժանվել»։ CNN-ը նշում է, որ զենքերի քանակի մասին տեղեկատվությունը գաղտնի է։

Պենտագոնի անանուն պաշտոնյան հեռուստաալիքին հայտնել է, որ ուկրաինական զորքերը ներկայումս օրական 2000-ից 3000 հրետանային արկ են արձակում:CNN-ն ընդգծում է, որ ԱՄՆ պաշտոնյաները վերջին շաբաթներին շատ անհանգստացած էին Ուկրաինային մատակարարելու՝ Միացյալ Նահանգների կարողությամբ, այդ պատճառով էլ «ԱՄՆ նախագահ Ջո Բայդենը Կիևին կասետային զինամթերք մատակարարելու վերաբերյալ խիստ վիճահարույց որոշում կայացրեց»: Նշվում է, որ Սպիտակ տան կողմից այս քայլը հղի էր եվրոպացի դաշնակիցներին օտարելու վտանգով, ովքեր դեմ էին այս տեսակի զենքի մատակարարմանը։

Երեքշաբթի օրը ամերիկացի վերլուծաբան, ԱՄՆ ծովային հետևակի նախկին հրամանատար Բրայան Բերլետիկն հայտարարել է, որ Միացյալ Նահանգները չունի բավարար ռազմական ներուժ, որը թույլ կտա նրանց բավարարել իրենց աշխարհաքաղաքական հավակնություններն ուկրաինական խնդրի լուծման հարցում։