ԱՄՆ-ը պատժամիջոցներ է սահմանել 11 ռուսաստանցիների, այդ թվում՝ Չեչնիայի ղեկավարի մոր՝ Այմանի Կադիրովայի նկատմամբ, ցուցակը հրապարակված է ԱՄՆ ֆինանսների նախարարության արտաքին ակտիվների վերահսկողության վարչության կայքում, հայտնում է РБК-ն։

Բացի Կադիրովի մորից, սահմանափակող միջոցների են ենթարկվել.

Չեչնիայի ներքին գործերի նախարարության Ռուսաստանի հերոս Ահմադ-Հաջի Կադիրովի անվան ոստիկանության հատուկ գնդի հրամանատար Զամիդ Չալաևը,

Չեչնիայի կառավարության նախագահ Մուսլիմ Խուչիևը,

Չեչնիայում մարդու իրավունքների հանձնակատար Մանսուր Սոլտաևը,

Սևաստոպոլի պետական ​​համալսարանի ռեկտոր Վլադիմիր Նեչաևը,

«Արտեկ» մանկական կենտրոնի տնօրեն Կոնստանտին Ֆեդորենկոն,

Բելգորոդի մարզում երեխաների իրավունքների հանձնակատար Գալինա Պյատիխը,

Զապորոժիեի մարզի կրթության և գիտության նախարար Ելենա Շապուրովան,

Ռոստովի մարզում երեխաների իրավունքների հանձնակատար Իրինա Չերկասովան,

Կալուգայի մարզում երեխաների իրավունքների հանձնակատար Իրինա Ագեևան։

Բացի այդ, սահմանափակումների տակ է հայտնվել «Արտեկ» մանկական միջազգային կենտրոնը։

ԱՄՆ նախագահ Ջո Բայդենը օգոստոսի 24-ին հայտարարել է Ռուսաստանի դեմ նոր պատժամիջոցների մասին։ Ըստ նրա, սահմանափակումներ են մտցվում նրանց նկատմամբ, ովքեր «հազարավոր ուկրաինացի երեխաների բռնի ուժով Ռուսաստան են տարել»։