Նիդեռլանդներն եվրահանձնակատարի պաշտոնում առաջ է քաշել Արտաքին գործերի նախարարի ԺՊ Վոպկե Հոկստրային՝ այն ​​բանից հետո, երբ Ֆրանս Թիմերմանսը որոշեց թողնել Եվրահանձնաժողովի ղեկավարի առաջին տեղակալի պաշտոնը։ Այս մասին ճեպազրույցում հայտարարեց վարչապետի ԺՊ Մարկ Ռյուտեն։ 

Նրա խոսքով՝ որոշումն ընդունվել է Նախարարների կաբինետի եւ ԵՄ ղեկավարության հետ ծավալուն խորհրդակցություններից հետո։ Հոկստրայի «լավ թեկնածու է» և ունի «մեծ փորձ ֆինանսների և արտաքին հարաբերությունների ոլորտում», - ասաց Ռյուտեն:

Հաջորդ շաբաթ նախատեսվում է Հոկստրայի հանդիպումը ԵՀ նախագահ Ուրսուլա ֆոն դեր Լեյենի հետ։ Բացի այդ, նրա թեկնածությունը պետք է հաստատի Եվրախորհրդարանը։ Ակնկալվում է, որ Հոկստրան, ինչպես Թիմերմանսը, կլինի պատասխանատու կլիմայի համար: